#[681]
صباحك يا وطن

‏واحد قافلة معاهو شديد وزهجان من وضع البلد ..
‏مشى يجيب ولدو من الروضة ..
‏المشرفة قالت ليهو :
‏ياتو واحد في ديل ولدك ؟
‏قال ليها :
‏اديني اي واحد .. مافرقت.. اصلا كدا كدا الصباح بجيبو ليكم راجع. ???

#[663]

سلمت وطني

أعظم تعويض يمكن أن يمنحه الله للإنسان، أن يمدّه بالقدرة الكافية على البدء من جديد?

جدنا الحاج ودبندر كان احد اقطاب فريق حي العرب الامدرمانى وله مسيد يؤمه اعراب ضهاري حمرة الوز وشمال كردفان وينوخون ابلهم ويربطون حميرهم ويتسوقون في سوق امدرمان الكبير ثم ياتون ويسرجون ويعدلون ويركبون راجعين … وقيل ان احد الاعراب نوخ فجرية وانتظر الشاي والفطور ولم ياتي اليه طعام ولا موية ولا شاي !! ??? .. وعند المغرب اتت الصواني الما خمج مسفرة بما لذ وطاب وجكوك الحلومر والليمون .. وجاء الشيخ ودبندر وقال للاعرابى: زح جاي ياشيخ العرب !!
وقال الاعرابي: الشيئ شنو يا شيخنا غيرتو عوايدكم ؟!! لا ريقتونا بى موية ولا كسرة من صباحات الله لامن انتكت الشمس وكت مزاجكم حكم وكيفكم ربط جبتو اكلكم وجيتونا ؟!!
ورد عليهو الحاج ودبندر: دا لكن مو رمضان ياشيخ العرب !؟
العربى قال: رمضان دا شن نفروا ؟!!
ورد عليهو ود بندر: رمضان دا يا خوي الزول بلجم خشمو فيهو من اكل وشراب من قبل تشرق لامن تنتكى !!
قام العربى قال ليهو: *الشيئ دا فرضتو عليكم الحيكومة ولا دبارة معيشة منكم ساكت ؟*
?????????