"ﺑﺮﻳِّﺪﻙ ﻳﺎ ﺻﺒﺎﺡ ﻋُﻤﺮﻱ/حُروفْ إِسّمكْ♥️?"
_مع إختلاف الغَزل و التغزّل في الحبيبة في الأغاني السُودانية، يبقى الغَزل "اللميناوي" أجملهم..
المُوسيقار معرُوف إنو مَكتبة مُكتملة، إنصف "حواء" بطريقة لطيِّفة شديِّد،
ورانا إنو "حواء" جميِّلة و لازم تتحب بِكل حاجة فيها..
تتحب وهي بتضحك و بتبسم، وهي سارحة بخيالها، حتى لو كانت بتعاين من الشُباك..
حتى بعيونها الحلوة..
لما يشتاق ليها بيقول ليها..!
"مُشتاق ليِّك يا جميِّل يا رائِع"
و لما يكون عايز يشوفها بيقول ليها..!
"من شوفتو طَولنا، نهواهو ما زلنا، نهواهو رَغم الجُور، رَغم الصُدود عنا.."
على سيِّرة الغزل "اللميناوي" حتلاقاهو بيتغزل فيها و في حروف إسمها فبقول..
حُروف إِسّمْك.."
ﺟَﻤﺎﻝ ﺍﻟﻔﺎﻝ.."
ﻭ ﺭﺍﺣﺔ ﺍﻟﺒﺎﻝ.."
ﻭ ﻫَﺠﻌﺔ ﺯُﻭﻝ ﺑﻌﺪ ﺗِﺮﺣﺎﻝ.."
_ هنا بجسْد لينا تفاصيل الحُب الجميِّلة..
بتفائل بيها، كإنو بيقول ليها لما أسمع إسمك ساي، بتخُشني سكينة، و طمأنينة.
ويرجع تاني يقول ليها..
ﻭ ﺗﻨﻴﺔ ﺣِﻠﻮة ﻟﻠﺸﺒﺎﻝ.."
ﻭ ﺩُﻧﻴﺘﻨﺎ ﻭ ﻣﺸﺎﻭﻳّﺮﻧﺎ.."
ﻭ ﻏِﻨﻮﺍﺗﻨﺎ ﺍﻟﻤﺎ ﺑﺘﺘﻘﺎﻝ.."
أأه، ما بتتقال..أأه،،
_ بواصل غَزل بطريقة لطيفة شديِّد،
بيتكلم عن تفاصيلهم و مشاويِّرهم، ولحظاتهم الحِلوة سوا..
و لسا بيقول ليها..
حُروف إسمك..ﻧﺠﻮﻡ ﺭﻛﺖْ على ﺍﻟﻴﺎﺳﻤﻴﻦ.."
ﻓَﺮﺡْ ﻓﻲ ﻋﻴّﻦ ﺟﻤﺎﻟﻬﺎ ﺣﺰﻳّﻦ.."
أﺳﺎﻭِﺭ ﻓﻲ إﻳﺪﻳﻦ طفلة،،ﺑﺘﺤﻔﻆ ﻓﻲ ﻛﺘﺎﺏ ﺍﻟﺪﻳّﻦ.."
ﺯِﻓﺎﻑ ﻋﺎﺷﻘﻴﻦ ﺑﻌﺪ فُرقة،،ﻭﺳﻂ ﺑﺎﻗﺎﺕ ﺩُﻋﺎء ﺍﻟﻄﻴﺒﻴﻦ.."
و الليلة العديِّلة و الزيِّن..
تقدمو و تبراه أأه..
_ هنا بيزيد من الغزل بيّتْ، و بيبدأ يشبهها بتفاصيِّل جميِّلة جدًا..
وصف بعيِّد و تشبيه بليِّغ حد الوصف،
صُورها لينا بلهفة العقد و الزفاف و تفاصيّل الجرتق و العديِّلة و الزيِّن، ولمة الأحباب و صوت الفرحة و الضحكات و التبريكات..
حقيقي مافي أجمل من تفاصيل الجِرتق و الألوان الحمراء و البُخور الفايح نسامو مالي الجو بهجة و مَسرة..
وبيواصل لسا و بيقول..
ﺣُﺮﻭﻑ إﺳﻤﻚ..
ﻋِﻘﺪ ﻣﻨﻀُﻮﻡ ﺑﺨﻴّﻂ ﺍﻟﻨُﻮﺭ..
ﻭ طلة ﻭَﺭﺩة ﻣﻦ ﺍﻟﺴُﻮﺭ..
ﻭ نغمة ﺗﻨﺎﺩﻱ ﻓﻲ ﻃﻨﺒُﻮﺭ.."
ﻭ شَعلة فرحة ﻓﻲ ﺍﻟﻮﺍﺩﻱ،،ﺗﺸﻊ ﺟﺰﻻنة ﻟﻴﻬﺎ ﺷُﻬﻮﺭ...
ﺣُﺮﻭﻑ إﺳﻤﻚ..
ﻭﻛِﺖ أﺷﺘﺎﻕ ﻭ أﺭﺣﻞ ﻟﻴِّﻚ.."
ﻭ أﺳﺮﺡ ﻓﻲ ﻋﺴﻞ ﻋِﻴﻨﻴﻚ.."
ﺑﺘﺤﻀﻨﻲ ﻗﺒﻞ أﻟﻤﺲ ﺣﺮﻳﺮ إﻳﺪﻳﻚ.."
ﺗﺎﺭﺟﺤﻨﻲ ﻭ ﺗﻔﺮﺣﻨﻲ ﻭ ﺗﺨﻠﻴﻨﻲ أﺩﻕْ ﺻﺪﺭﻱ ﻭﺳﻂ ﺍﻟﺒﻠﺪ.."
ﻭ أﻫﺘُﻒْ ﺑﺮﻳِّﺪﻙ ﻳﺎ ﺻَﺒﺎﺡ
ﻋُﻤﺮﻱ.."
_حقيقي كُل الغزل وقف هِنا..
شاعِرنا "هاشِم صديّق" كمل إحساسو كلو في الأغنية دي..
بس حقيقي "حواء"تستاهل يوصفوها و يتغزلوا فيها بالطريقة الجميّلة دي..
بيقول ليها مُمكن أقيف قدام الأمة دي كُلها و أقول ليكِ..
بَحبك يا صباح عُمري..
بحبك يا صباح العيِّد..
نِحنَ مُحتاجين ناس تحبنا و تتباهى بيِّنا في العلنْ، مُحتاجين والله..
#عند_المُفترق..
أﺩُﻕْ ﺻَﺪﺭﻱ ﻭﺳﻂ ﺍﻟﺒَﻠﺪ
ﻭ أﻫﺘﻒْ ﺑﺮﻳِّﺪﻙ ﻳﺎ ﺻﺒﺎﺡ
ﻋُﻤﺮﻱ، بريٍّدك♥️?!
#ديناريتو.
#مُحمدالمُصطفى_عيِّد.
#ازوال
Badraldeen Hamid
Yorum Sil
Bu yorumu silmek istediğinizden emin misiniz?
Badraldeen Hamid
Yorum Sil
Bu yorumu silmek istediğinizden emin misiniz?
ود العبد
Yorum Sil
Bu yorumu silmek istediğinizden emin misiniz?