السلام عليكم ?
كيفكم يا شباب ان شاء الله بخير ?..
الليلة جايب ليكم موضوع ظريف كدا داير اتكلم ليكم عن الميتافيرس .. للناس الماعارفين ميتافيرس دا شنو .!؟؟ اولا ميتافيرس جاي من ( Metaverse ) وهي كلمة من جزئين ..خلي لي بالك هنا ? ..الاول ميتا ( Meta ) ويعني ( ما وراء او ما بعد ) والتانية فيرس (Verse ) وجاية من كلمة العالم اللي هي (Universe ) بالمختصر كدا يعني ما وراء العالم يعني اسمو زاتو حكاية المهم جيب ليك كباية شاي عشان اديك التفاصيل عن الميتافيرس الخطير دا ..??..شوف يا صحبي كلمة ميتافيرس اول ما ظهرت كانت في رواية الخيال العلمي تحطم الثلج ( Snow Crash ) سنة 1992 م.?? ..شركة دي سي كومكس استخدمت مصطلح "ميتافيرس" عشان يوصفو النسخة المركزية من الواقع..?? بعدين خلي بالك معاي يا البلولة ..ميتافيرس ما ممكن يكون الواقع الافتراضي بس يعني بقصدو بيه شبكة الانترنت ككل كدا .??انت فهمتني ..?
شوف يا صحبي الجماعة الطيبين صمموا اجزاء من الميتافيرس عشان يعملوا العاب فيديو حديثة تقدر تتصل بالانترنت وكدا ..??يعني ممكن تقول واحدة من تقنيات العالم المعزز ثلاثي الابعاد .
شوف يا صحبي علماء العصر الحديث وصفوا منصة العالم الافتراضي سكند لايف انها اول ميتافيرس في سنة 2003 م تفتكر ليه .!؟؟??
انا بقول ليك ??..لانها صورت المستخدم على شكل رمز في عالم ثلاثي الابعاد ..!
وتم استخدام تقنية الميتافيرس في اللعبة الشهيرة ماين كرافت لانها اختصت بنواحي كتيرة من الحياة الاجتماعية بتفاصيلها ..ولعبة روبلوكس اختصت بنفس النواحي من جوانب تانية ... ان شاء الله وضحت !?
المهم شوف شركة فيس بوك واكبت تطور الميتافيرس وعملت عالم افتراضي سمته هوريزون وورد يعني عالم الافق !??
وكمان المالك الرسمي لشركة فيس بوك مارك زوكربيرج اكد التزامه بتطوير التقنية دي باسم ميتا بلاتفورمز وعليها ناويين يطوروا تقنيات العالم الافتراضي باستخدام الميتافيرس لانها مستقبل التكنولوجيا الحديثة !??
