الإختراق ساهل جدا ساهل من ناحية التعلم ومن ناحية عملية إلاختراق نفسها لكن الصعب هو كيفية الآختراق بمعنى : المخترق لازم يكون ذكي، إذا اتقفل من ناحية يعرف يدخل من ناحية تانية ويعرف يتصرف بسرعة دائما. - 90% من الإختراقات بتتم عن طريق ال Wi-Fi كيف ؟ اذا اتصلت بأي Wi-Fi ممكن اي زول ينزل تطبيق أو برنامج بيكشف أيبيهات (IP) الاجهزه المتصلة وعن طريق ال IP ممكن يخترقك بطرق وأساليب كتيره شديد. - كيف تحمي نفسك؟ دائما خلي جهازك Up To Date + نزل برامج الحماية الموثوقة + ما تدخل أي موقع غير موثوق به + ما تضغط على روابط أو صور غير موثوق بها + ما كل لمن تلقا Wi-Fi تتصل بيه ودائما استخدم شبكتك الخاصة في الأماكن المزدحمة، وغير الإختراق ممكن ينتقل ليك فايروس مضر يضيع ويتلف ملفاتك لأنو الفايروسات بتنتقل بسرعة كبيرة جدا عن طريق الWi-Fi. - منزعج من التطفل الكتير على ال Wi-Fi بتاع بيتكم سواء من الضيوف أو ناس الحي؟ ممكن تخفي ال Wi-Fi، عن طريق انك تدخل ال IP المرفق مع ال Wi-Fi وبعد تدخل حسابك فتش عن اسمو وأعمل ليهو Disable. هو بكون شغال عادي لكن مخفي، وما حيظهر في البحث وعشان تتصل بيهو لازم تدخل الاسم وكلمة السر ( يعني اتصال يدوي كامل ). *ملحوظة : دائما غير اسم ال Wi-Fi، وغير كلمة السر وحتى لو بسيطة خليها تكون صعبة التخمين كيف؟ مثلا كلمة السر بدل تكون password اعملها p@$$w0rd. - بالطرق دي بتكون عملية اختراقك صعبه جدا جدا الا للمحترفين حرفيا، و بتكون منعت عملية التطفل على جهاز ال Wi-Fi الخاص بيك. * معلومة : الإختراق غالبا بكون عن طريق الهندسة الإجتماعية اللي هي عملية " تخمين " مع بعض الأدوات المساعدة، وبكون المخترق بعرف معلومات عنك بتساعدو في الإختراق زي ميلادك ومحل سكنك واسم صديقك المفضل وهوايتك..الخ.
Yousif Hatim
2 Blog posts
